Matthieu 21Lingala facileTouchez un verset pour le sélectionner.1Tangu ba pusani pene ya Jérusalem pe ba komi na Bethphagé, pene ya ngomba ya ba oliviers, Yesu a tindi ba disciples mibale.2A lobi na bango: "Bo kende na village oyo eza liboso na bino. Mbala moko, boko mona âne ya mwasi oyo ba kangi na singa, pe mwana na yango pembeni. Bo fungola bango pe bo memela ngai bango.3Soki mutu a lobi na bino eloko, bo zongisa: Nkolo aza na besoin na bango. Mbala moko ako tika bango ba kende."4Yango e salemaki pona liloba oyo mosakoli a lobaki e kokisama:5"Bo yebisa mwana mwasi ya Sion: Tala, roi na yo azo ya epai na yo. Atondi na boboto, a mati na âne, na mwana ya âne."6Ba disciples ba keyi pe ba sali ndenge Yesu a tindaki bango.7Ba memi âne ya mwasi pe mwana na yango. Ba tié bilamba na bango na likolo na yango, pe Yesu a vandi wana.8Batu mingi na kati ya ebele wana ba tandaki bilamba na bango na nzela. Ba mosusu ba kataki bitape ya banzete pe ba tandaki yango na nzela.9Batu oyo bazalaki liboso pe sima ya Yesu bazalaki ko ganga: "Hosanna na Mwana ya David! A pambolama, oyo azo ya na kombo ya Nkolo! Hosanna na likolo koleka!"10Tangu a koti na Jérusalem, ville mobimba e ningani. Batu bazalaki ko tuna: "Oyo aza nani?"11Batu ba zongisaki: "Aza Yesu, mosakoli ya Nazareth na Galilée."12Yesu a koti na temple ya Nzambe. A bengani batu nionso oyo bazalaki ko teka pe ko somba kuna. A baloli ba mesa ya batu oyo bazalaki ko changer mbongo pe ba kiti ya ba vendeurs ya ba pigeons.13A lobi na bango: "Ekomama: Ndako na ngai eko bengama ndako ya mabondeli. Mais bino bozo komisa yango libulu ya ba miyibi!"14Batu bakufa miso pe batu oyo ba tambolaka na pasi ba pusani pene na ye na temple, pe a bikisi bango.15Mais ba chefs ya ba nganga-nzambe pe ba moteyi ya mibeko ba siliki tangu ba moni bikamwa oyo a salaki pe bana oyo bazalaki ko ganga na temple: "Hosanna na Mwana ya David!"16Ba tuni ye: "Ozo yoka oyo bazo loba?" Yesu a zongisi: "Oui. Bo tanga nanu te maloba oyo: Na minoko ya bana pe ba bébés oyo bazo mela nanu mabele, o bimisaki masanzoli?"17A tiki bango pe a bimi na ville. A keyi na Béthanie, esika a alekisaki butu.18Na tongo, tangu azalaki ko zonga na ville, a yoki nzala.19A moni nzete ya figues pembeni ya nzela pe a pusani pene na yango. Mais a moni kaka makasa. A lobi na nzete: "Oko bota lisusu mbuma ata mokolo moko te!" Mbala moko nzete e kauki.20Ba disciples ba moni yango pe ba kamwe. Ba tuni: "Ndenge nini nzete oyo ya figues e kauki na mbala moko?"21Yesu a zongiseli bango: "Na lobi na bino ya solo: soki boza na kondima pe boza na doute te, non seulement boko sala oyo e salemi na nzete oyo, mais ata soki bo lobi na ngomba oyo: longwa wana pe mibwaka na ebale, eko salema.22Nionso oyo boko senga na mabondeli na kondima, boko zwa yango."23Yesu a koti na temple. Tangu azalaki ko teya, ba chefs ya ba nganga-nzambe pe ba anciens ya peuple ba pusani pe ba tuni: "Ozo sala makambu oyo na autorité nini? Nani a pesi yo autorité yango?"24Yesu a zongiseli bango: "Ngai pe nako tuna bino motuna moko. Soki bo zongiseli ngai, nako yebisa bino na autorité nini nazo sala makambu oyo.25Batisimo ya Jean e wutaki wapi: na likolo to na batu?" Ba bandi ko solola bango na bango: "Soki to lobi: Na likolo, ako tuna biso: Alors pona nini bo ndimaki ye te?26Pe soki to lobi: Na batu, wana faut kobanga ebele ya batu oyo, po bango nionso ba zwaka Jean lokola mosakoli."27Alors ba zongiseli Yesu: "To yebi te." Ye pe a lobi: "Ngai pe nako yebisa bino te na autorité nini nazo sala makambu oyo.28Bo kanisi nini? Mobali moko azalaki na bana mibali mibale. A keyi epai ya oyo ya liboso pe a lobi: "Mwana na ngai, kende ko sala lelo na elanga na ngai ya ba raisins."29Mwana a zongisi: "Na lingi te." Mais après a bongoli motema pe a keyi.30Tata a keyi epai ya mwana mosusu pe a lobi ndenge moko. Mwana wana a zongisi: "Oui, nkolo." Mais a keyi te.31Nani parmi bango mibale a sali mokano ya père?" Ba zongisi: "Oyo ya liboso." Yesu a lobi na bango: "Na lobi na bino ya solo: ba futisi mpako pe basi ya ndumba bako kota na bokonzi ya Nzambe liboso na bino.32Po Jean a yaki epai na bino na nzela ya bosembo, mais bo ndimaki ye te. Ba futisi mpako pe basi ya ndumba ba ndimaki ye. Ata bo monaki yango, bo bongolaki motema te pona ko ndimela ye.33Bo yoka parabole mosusu. Nkolo ndako moko a lonaki elanga ya ba raisins. A clôturer yango, a timoli esika ya ko finela ba raisins, pe a tongi tour. Après, a pesaki yango na ba cultivateurs ba futela, pe a keyi na mboka mosusu.34Tangu saison ya récolte e komi, a tindi ba serviteurs na ye epai ya ba cultivateurs pona ko zwa mbuma ya elanga na ye.35Mais ba cultivateurs ba kangi ba serviteurs wana. Ba beti moko, ba bomi mosusu, pe ba bambi oyo ya misato mabanga.36A tindi lisusu ba serviteurs mosusu, ebele koleka ba oyo ya liboso. Mais ba cultivateurs ba sali bango ndenge moko.37Na suka, a tindeli bango mwana na ye. A lobi: "Bako respecter mwana na ngai."38Mais tangu ba cultivateurs ba moni mwana, ba lobi bango na bango: "Oyo nde héritier. Bo ya, to boma ye pe to zwa héritage na ye!"39Ba kangi ye, ba bwaki ye libanda ya elanga pe ba bomi ye.40Alors, tangu nkolo elanga ako ya, ako sala ba cultivateurs wana nini?"41Ba zongiseli ye: "Ako boma batu mabe wana na liwa ya somo, pe ako pesa elanga na ba cultivateurs mosusu, oyo bako pesa ye mbuma na saison ya récolte."42Yesu a lobi na bango: "Bo tanga nanu te na Makomi: Libanga oyo ba constructeurs ba boyaki e komi libanga ya motuya na songe ya ndako. Nkolo nde a sali yango, pe eza likamwisi na miso na biso?43Yango wana na lobi na bino: bako longolela bino bokonzi ya Nzambe pe bako pesa yango na peuple oyo eko bota mbuma na yango.44Mutu oyo ako kweya na libanga oyo ako bukana. Pe mutu oyo yango eko kweyela, eko panza ye."45Tangu ba chefs ya ba nganga-nzambe pe ba pharisiens ba yoki ba paraboles na ye, ba comprendre que Yesu azalaki ko lobela bango.46Ba lukaki ko kanga ye, mais ba bangaki ebele ya batu, po batu bazalaki ko zwa ye lokola mosakoli.‹ Précédent
Bible ya Lingala Facile