Matthieu 10Lingala facileTouchez un verset pour le sélectionner.1Après, Yesu a bengi ba 12 disciples na ye. A pesi bango pouvoir ya ko bengana milimo mabe, pe ya ko bikisa batu na bokono na ba pasi ya ndenge nionso.2Tala ba kombo ya ba 12 apôtres: ya liboso, Simon oyo ba bengi Pierre, na ndeko na ye André; Jacques, mwana ya Zébédée, na ndeko na ye Jean;3Philippe na Barthélemy; Thomas na Matthieu, mofutisi mpako; Jacques, mwana ya Alphée, na Thaddée;4Simon oyo azalaki Cananite, pe Judas Iscariot, oyo a tekaki Yesu.5Eza batu 12 oyo Yesu a tindaki, après ko pesa bango mitindo oyo: "Bo kende epa ya ba païens te, pe bo kota na ba villes ya ba Samaritains te."6Mais bo kende nde epa ya ba meme oyo ba bungi ya libota ya Israël.7Bo kende ko sakola, bo loba: "Bokonzi ya likolo ekomi pene."8Bo bikisa batu oyo bazo bela, bo zongisa bakufi na bomoyi, bo petola batu oyo baza na lèpre, pe bo bengana milimo mabe. Bo zwi ofele, bo pesa pe ofele.9Bo mema or te, palata te, to mbongo na ba ceintures na bino te.10Bo mema sac ya voyage te, bilamba mibale te, ba sapato te, to bâton te. Po mosali a mérité bileyi na ye.11Na ville to village nionso oyo boko kota, bo luka koyeba soki mutu oyo a bongi ko yamba bino aza kuna. Bo vanda epa na ye ti tangu boko longwa.12Tangu boko kota na ndaku, bo pesa batu ya ndaku yango mbote.13Soki batu ya ndaku yango ba bongi na kimia, tika kimia na bino e ya likolo na bango. Mais soki ba bongi te, tika kimia na bino e zongela bino.14Soki ba boyi ko yamba bino pe ko yoka maloba na bino, bo longwa na ndaku to na ville yango, pe bo pupola putulu ya makolo na bino.15Na yebisi bino ya solo: na mokolo ya jugement, etumbu ya mboka ya Sodome na Gomorrhe eko zala moke koleka oyo ya ville wana.16Tala, nazo tinda bino lokola ba meme na kati ya ba mbwa ya zamba. Donc, bo zala na bokebi lokola ba nyoka, pe simple lokola ba colombes.17Bo keba na batu, po bako mema bino na ba tribunaux, pe bako beta bino ba fimbo na ba synagogues na bango.18À cause na ngai, bako mema bino liboso ya ba gouverneurs pe ya ba rois, pona bo pesa témoignage liboso na bango pe liboso ya ba païens.19Mais tangu bako pesa bino na maboko na bango, bo mitungisa te pona ndenge nini boko samba to nini boko loba. Po kaka na tangu wana, eko pesamela bino maloba oyo bosengeli ko loba.20Po eko zala bino te nde boko loba, mais Molimo ya Père na bino nde ako loba na kati na bino.21Ndeko ako pesa ndeko na ye na maboko ya batu pona ba boma ye. Père pe ako sala bongo na mwana na ye. Bana bako tombokela ba parents na bango, pe bako bomisa bango.22Batu nionso bako yina bino à cause ya kombo na ngai. Mais mutu oyo ako tenir ti na suka, ye nde ako bika.23Soki ba nyokoli bino na ville moko, bo kima na ville mosusu. Na yebisi bino ya solo: boko silisa ko tambola na ba villes nionso ya Israël te avant Mwana ya mutu a ya.24Disciple a leki maître na ye te, pe mosali a leki nkolo na ye te.25Ekoki pona disciple ba salela ye ndenge ba salelaka maître na ye, pe pona mosali ndenge ba salelaka nkolo na ye. Soki ba bengi nkolo ya ndaku Béelzébul, eko zala ndenge nini pona ba oyo bavandi na ndaku na ye!26Donc, bo banga te. Po eloko moko te oyo e batami eko zanga ko bima na polele, pe secret moko te eko zanga ko yebana.27Oyo nazo yebisa bino na molili, bo loba yango na moyi. Pe oyo ba yebisi bino na litoyi, bo sakola yango likolo ya ba ndaku.28Bo banga te batu oyo ba bomaka nzoto, mais ba koki ko boma molimo te. Bo banga nde oyo akoki ko boma molimo na nzoto na lifelo.29Est-ce que ba tekaka ba ndeke mibale ya mikié, na pièce moko ya mbongo ya mukié te? Mais ata moko na bango a kweyaka na mabele te soki Père na bino a lingi te.30Ata ba suki ya mitó na bino tout e tangama.31Donc, bo banga te. Boza na valeur koleka ba ndeke ya mikié ebele.32Yango wana, mutu nionso oyo ako ndima ngai polele liboso ya batu, ngai pe nako ndima ye liboso ya Père na ngai oyo aza na likolo.33Mais mutu oyo ako wangana ngai liboso ya batu, ngai pe nako wangana ye liboso ya Père na ngai oyo aza na likolo.34Bo kanisa te que na ye ko mema kimia na mabele. Na ye ko mema kimia te, mais épée.35Po na ye ko tia bokabwani kati na mwana mobali na père na ye, kati na mwana mwasi na mère na ye, pe kati na mwasi ya libala na mama bokilo na ye.36Pe ba nguna ya mutu bako zala batu ya ndaku na ye moko.37Mutu oyo a lingi père to mère na ye koleka ngai a bongi na ngai te. Pe mutu oyo a lingi mwana na ye ya mobali to ya mwasi koleka ngai a bongi na ngai te.38Mutu oyo a memi ekulusu na ye te pe a landi ngai te, a bongi na ngai te.39Mutu oyo ako batela bomoyi na ye ako bungisa yango. Mais mutu oyo ako bungisa bomoyi na ye à cause na ngai, ako zwa yango lisusu.40Mutu oyo a yambi bino, a yambi ngai. Pe mutu oyo a yambi ngai, a yambi oyo a tindaki ngai.41Mutu oyo a yambi mosakoli po aza mosakoli, ako zwa récompense ya mosakoli. Pe mutu oyo a yambi mutu ya juste po aza mutu ya juste, ako zwa récompense ya mutu ya juste.42Pe mutu nionso oyo ako pesa ata verre moko ya mayi ya malili na moko ya batu ya mukié oyo, po aza disciple na ngai, na yebisi bino ya solo: ako bungisa récompense na ye te."‹ PrécédentSuivant ›
Bible ya Lingala Facile