Marc 5Lingala facileTouchez un verset pour le sélectionner.1Ba komi na ngambo mosusu ya ebale, na mboka ya ba Gadaréniens.2Tangu kaka Yesu a kitaki na bwato, mutu moko oyo azalaki na molimo mabe a bimi na ba tombes pe a ye ko kutana na ye.3Mutu yango azalaki ko vanda na ba tombes. Mutu moko te a kokaki lisusu ko kanga ye, ata na chaîne.4Mbala mingi, ba kangaki ye makolo na bibende pe nzoto na chaîne, mais azalaki ko kata chaîne pe ko buka bibende. Mutu moko te azalaki na makasi ya ko pekisa ye.5Butu na moyi, azalaki kaka na ba tombes pe na bangomba, azo ganga pe azo mizokisa na mabanga.6Tangu a moni Yesu na mosika, a poti mbangu pe a fukami liboso na ye.7A gangi na mongongo makasi: "Yesu, Mwana ya Nzambe Oyo Aleki Likolo, ngai na yo likambu nini? Na bondeli yo na kombo ya Nzambe, ko nyokola ngai te!"8Po Yesu azalaki ko loba na ye: "Molimo mabe, bima na mutu oyo!"9Yesu a tuni ye: "Kombo na yo nani?" A zongisi: "Kombo na ngai Légion, po toza ebele."10Azalaki ko bondela Yesu makasi ete a tinda bango libanda ya mboka wana te.11Pene na ngomba, ezalaki na troupeau monene ya ba ngulu oyo bazalaki ko lia.12Milimo mabe e bondeli Yesu: "Tinda biso na ba ngulu wana, pona to kota na kati na bango."13Yesu a pesi bango nzela. Milimo mabe e bimi, e koti na ba ngulu. Troupeau, oyo ezalaki na ba ngulu pene na deux mille, e kitaki mbangu na pente ya makasi, e kweyi na ebale, pe ba ngulu ba zindi pe ba kufi.14Batu oyo bazalaki ko batela ba ngulu ba kimi pe ba panzi sango na ville pe na bamboka ya pembeni. Batu ba ye ko tala oyo e salemaki.15Ba komi epai ya Yesu, ba moni mutu oyo azalaki na milimo mabe ebele, a vandi, a lati bilamba pe makanisi na ye e zongi malamu. Somo e zui bango.16Batu oyo ba monaki makambu yango ba beteli bango lisolo ya oyo e komelaki mutu wana pe ba ngulu.17Alors ba bandi ko bondela Yesu a longwa na territoire na bango.18Tangu Yesu azalaki ko mata na bwato, mutu oyo azalaki na milimo mabe a bondeli ye ete a tikala elongo na ye.19Yesu a pesi ye nzela te, mais a lobi: "Zonga na ndaku na yo, epai ya batu na yo. Yebisa bango nionso oyo Nkolo a saleli yo pe ndenge a yokeli yo mawa."20Mutu yango a keyi pe a bandi ko sakola na Décapole nionso oyo Yesu a salelaki ye. Batu nionso ba kamwe.21Yesu a katisi lisusu na bwato na ngambo mosusu. Ebele ya batu ba sangani pene na ye, pembeni ya ebale.22Moko ya ba chefs ya synagogue, kombo na ye Jaïrus, a ye. Tangu a moni Yesu, a fukami na makolo na ye.23A bondeli ye makasi: "Mwana na ngai ya mwasi aza pene ya ko kufa. Yaka, tia maboko na yo likolo na ye, pona a bika pe a zala na bomoi."24Yesu a keyi elongo na ye. Ebele ya batu bazalaki ko landa ye pe ko fina ye.25Ezalaki na mwasi moko oyo azalaki ko tanga makila banda douze ans.26A monaki pasi mingi na maboko ya minganga ebele, a silisaki biloko na ye nionso, mais a zwaki ata mwa soulagement te. Maladie ezalaki kaka ko koma makasi koleka.27A yokaki sango ya Yesu. A ye na kati ya ebele ya batu, na sima ya Yesu, pe a simbi elamba na ye.28Po azalaki ko loba: "Soki kaka na simbi bilamba na ye, nako bika."29Mbala moko, makila e tiki ko tanga, pe a yoki na nzoto na ye ete a biki na maladie na ye.30Mbala moko, Yesu a yebi ete nguya e bimi na ye. A baluki na kati ya ebele ya batu pe a tuni: "Nani a simbi bilamba na ngai?"31Ba disciples na ye ba lobi: "Ozo mona ebele ya batu oyo bazo fina yo, pe ozo tuna: Nani a simbi ngai?"32Mais Yesu azalaki ko tala zingazinga pona ko mona mwasi oyo a salaki yango.33Mwasi yango a bangi pe a bandi ko ningana, po a yebaki oyo e salemaki na ye. A ye, a fukami na makolo ya Yesu pe a yebisi ye vérité nionso.34Yesu a lobi na ye: "Mwana na ngai ya mwasi, kondima na yo e bikisi yo. Kende na kimia, pe zala ya ko bika na maladie na yo."35Tangu azalaki nanu ko loba, batu ba wuti na ndaku ya chef ya synagogue ba komi. Ba lobi: "Mwana na yo a kufi. Pona nini ko tungisa lisusu Moteyi?"36Mais Yesu a landaki maloba wana te, a lobi na chef ya synagogue: "Ko banga te. Ndima kaka."37A tiki mutu moko te a landa ye, longola kaka Pierre, Jacques pe Jean, ndeko ya Jacques.38Ba komi na ndaku ya chef ya synagogue. Yesu a moni mobulu, batu bazo lela pe bazo ganga makasi.39A koti pe a lobi: "Pona nini bozo sala makelele pe bozo lela? Mwana a kufi te, a lali."40Ba bandi ko seka ye. A bimisi batu nionso, a zui père pe mère ya mwana, elongo na batu oyo ba landaki ye, pe ba koti na esika mwana azalaki.41A simbi mwana na loboko pe a lobi: "Talitha koumi!" Yango elakisi: "Mwana mwasi, na lobi na yo, telema!"42Mbala moko, mwana a telemi pe a bandi ko tambola. Azalaki na douze ans. Batu wana ba kamwe mingi penza.43Yesu a kebisi bango makasi ete mutu moko te a yeba likambu yango. Pe a yebisi bango ba pesa mwana bilei.‹ Précédent
Bible ya Lingala Facile