Matthieu 16Lingala facileTouchez un verset pour le sélectionner.1Ba pharisiens pe ba sadducéens ba pusani pene ya Yesu. Pona ko komeka ye, ba sengi ye a lakisa bango elembo moko oyo e wuti na likolo.2Yesu a zongiseli bango: "Na pokwa, bo lobaka: Lobi eko zala mokolo ya malamu, po likolo eza rouge. Pe na tongo:3Lelo mbula ya makasi eko beta, po likolo eza rouge ya molili. Bo yebi ko tala likolo pe ko comprendre ndenge temps eko zala, mais bo koki ko comprendre bilembo ya tangu oyo te.4Génération oyo ya batu ya mabe pe ya pité, mais bazo senga miracle! Bako zwa elembo mosusu te, kaka elembo ya Jonas." Après, a tiki bango pe a keyi.5Tangu ba disciples ba katisi na ngambo mosusu, ba bosanaki ko mema mapa.6Yesu a lobi na bango: "Bo keba malamu na levure ya ba pharisiens pe ba sadducéens."7Ba disciples ba bandi ko kanisa entre bango: "Eza parce que to memi mapa te."8Yesu a yebi makanisi na bango pe a lobi: "Bino batu ya kondima moke, pona nini bozo solola po bo memi mapa te?9Bo comprendre nanu te? Bo bosani likambu ya cinq mapa pona 5000 mibali, pe ba paniers boni bo lokotaki?10Pe sept mapa pona 4000 mibali, bo lokotaki ba kitunga boni?11Ndenge nini bo comprendre te que tangu na lobaki na bino, bo keba na levure ya ba pharisiens pe ba sadducéens, ezalaki pona mapa te?"12Alors ba comprendre que a yebisaki bango ba keba na levure ya mapa te, mais na mateya ya ba pharisiens pe ba sadducéens.13Tangu Yesu a komi na territoire ya Césarée de Philippe, a tuni ba disciples na ye: "Batu ba lobaka que ngai, Mwana ya mutu, naza nani?"14Ba zongisi: "Ba mosusu ba lobaka Jean-Baptiste, ba mosusu Élie, pe ba mosusu Jérémie to moko ya ba prophètes."15A tuni bango: "Pe bino, bo lobaka que naza nani?"16Simon Pierre a zongisi: "Yo oza Kristu, Mwana ya Nzambe ya bomoi."17Yesu a zongiseli ye: "Simon, mwana ya Jonas, oza na esengo! Po eza mutu te a lakisi yo yango, mais Père na ngai oyo aza na likolo.18Pe ngai na lobi na yo: oza Pierre. Na libanga oyo nde nako tonga Église na ngai, pe bikuke ya mboka ya bakufi eko longa yango te.19Nako pesa yo ba clés ya bokonzi ya likolo. Oyo oko kanga awa na mokili eko kangama na likolo, pe oyo oko fungola awa na mokili eko fungwama na likolo."20Alors a yebisi ba disciples ba loba na mutu moko te que azali Kristu.21Banda wana, Yesu a bandi ko expliquer ba disciples na ye que esengeli a kende na Jérusalem. Kuna, ba anciens, ba chefs ya ba nganga-nzambe pe ba moteyi ya mibeko bako monisa ye pasi mingi. Bako boma ye, pe mokolo ya misato ako sekwa.22Pierre a bendi ye pembeni pe a bandi ko pamela ye: "Nzambe a pekisa yango, Nkolo! Likambu wana eko komela yo te."23Mais Yesu a baluki pe a lobi na Pierre: "Zonga sima na ngai, Satan! Oza libaku na nzela na ngai, po makanisi na yo eza ya Nzambe te, mais ya batu."24Après, Yesu a lobi na ba disciples na ye: "Soki mutu a lingi ko landa ngai, a miboya, a mema ekulusu na ye pe a landa ngai.25Po mutu oyo a lingi ko sauver bomoi na ye ako bungisa yango. Mais oyo ako bungisa bomoi na ye pona ngai, ako zwa yango.26Mutu ako zwa litomba nini soki a zui mokili mobimba, mais a bungisi molimo na ye? To mutu akoki ko pesa nini pona ko zwa molimo na ye lisusu?27Po Mwana ya mutu a sengeli a ya na nkembo ya Père na ye, elongo na ba anges na ye. Alors ako futa mutu na mutu ndenge misala na ye ezalaki.28Na lobi na bino ya solo: parmi batu oyo baza awa, ba mosusu bako kufa te avant ba mona Mwana ya mutu ko ya na bokonzi na ye."‹ PrécédentSuivant ›
Bible ya Lingala Facile