Marc 6Lingala facileTouchez un verset pour le sélectionner.1Yesu a longwe wana pe a keyi na mboka na ye. Ba disciples na ye ba landi ye.2Na mokolo ya sabbat, a bandi ko teya na synagogue. Batu mingi oyo ba yokaki ye ba kamwe pe ba lobi: "A zui makambu oyo wapi? Nani a pesi ye bwanya ya boye? Ndenge nini maboko na ye ezo sala ba miracles ya boye?3Oyo aza mosali ya mabaya te, mwana ya Marie, ndeko ya Jacques, Joses, Jude pe Simon? Bandeko na ye ya basi baza awa na kati na biso te?" Yango, ezalaki libaku mabe po na bango kondima ye.4Mais Yesu a lobi na bango: "Mosakoli a zangaka lokumu kaka na mboka na ye, na kati ya bandeko na ye pe na ndaku na ye."5A kokaki ko sala miracle moko te kuna, longola kaka ko tia maboko na babeli moke pe ko bikisa bango.6A kamwe ndenge ba zangaki kondima. Yesu azalaki ko tambola na bamboka ya pembeni, azo teya.7A bengi ba disciples douze pe a bandi ko tinda bango mibale-mibale. A pesi bango pouvoir likolo ya milimo mabe.8A yebisi bango ba mema eloko moko te pona mobembo, longola kaka lingenda: mapa te, sac te, mbongo te na ceinture.9Ba lata basandales, mais ba lata bilamba mibale te.10A lobi na bango: "Na ndaku oyo boko kota, bo tikala kuna tii tangu boko longwa na esika yango.11Soki na esika moko batu ba yambi bino te pe ba yoki bino te, bo longwa wana pe bo pupola putulu ya makolo na bino, pona e zala témoignage liboso na bango."12Ba keyi pe ba sakoli ete batu ba bongola mitema.13Bazalaki ko bengana milimo mabe mingi, ko pakola babeli mingi mafuta pe ko bikisa bango.14Roi Hérode a yoki sango ya Yesu, po kombo na ye e komaki ya koyebana. A lobi: "Jean-Baptiste a sekwi parmi bakufi. Yango wana ba miracles ezo salema na maboko na ye."15Bamosusu bazalaki ko loba: "Aza Élie." Bamosusu: "Aza mosakoli lokola moko ya basakoli."16Mais tangu Hérode a yoki makambu yango, a lobi: "Jean oyo na kataki motó, ye nde a sekwi."17Po Hérode ye moko a tindaki ba kanga Jean pe ba tia ye na minyololo na prison, likolo ya Hérodias, mwasi ya ndeko na ye Philippe. Hérode a balaki ye.18Jean azalaki ko yebisa Hérode: "Mibeko e pesi yo nzela te ya ko zwa mwasi ya ndeko na yo."19Hérodias a kangelaki Jean kanda pe a lingaki ko bomisa ye.20Mais a kokaki te, po Hérode azalaki ko banga Jean. A yebaki ete aza mutu ya sembo pe mosantu, pe azalaki ko batela ye. Tangu azalaki ko yoka ye, mbala mingi a tungisamaki na makanisi, mais azalaki kaka ko sepela ko yoka ye.21Mokolo ya malamu e komi: na anniversaire na ye, Hérode a sali feti pona bakonzi na ye, ba chefs ya basoda pe batu ya lokumu ya Galilée.22Mwana ya mwasi ya Hérodias a koti na salle pe a bini. A sepelisi Hérode pe ba invités na ye. Roi a lobi na mwana mwasi: "Senga ngai eloko nionso oyo o lingi, nako pesa yo yango."23A bakisi na ndayi: "Nionso oyo oko senga ngai, nako pesa yo, ata ndambu ya bokonzi na ngai."24Mwana mwasi a bimi pe a tuni mère na ye: "Na senga nini?" Mère na ye a zongisi: "Motó ya Jean-Baptiste."25Mbala moko, a zongi noki epai ya roi pe a lobi: "Na lingi o pesa ngai sikoyo, na plat, motó ya Jean-Baptiste."26Roi a yoki mawa mingi. Mais likolo ya ba ndayi na ye pe ya ba invités, a lingaki ko boyela ye te.27Mbala moko, a tindi garde moko, a pesi ye ordre ya ko mema motó ya Jean-Baptiste.28Garde a keyi na prison, a kati Jean motó pe a memi yango na plat. A pesi yango na mwana mwasi, pe mwana mwasi a pesi yango na mère na ye.29Tangu ba disciples ya Jean ba yoki yango, ba ye ko zwa nzoto na ye pe ba tie yango na lilita.30Ba apôtres ba sangani epai ya Yesu pe ba yebisi ye nionso oyo ba salaki pe nionso oyo ba teyaki.31Yesu a lobi na bango: "Bo ya na esika ya kimia, mosika na batu, bo pema mwa moke." Po batu mingi bazalaki ko ya pe ko zonga, pe bazalaki ata na tangu ya ko lia te.32Alors ba keyi na bwato na esika oyo batu bazalaki te, pona ba zala bango moko.33Batu mingi ba moni bango ndenge baza ko kende pe ba yebi bango. Ba wuti na ba villes nionso, ba poti mbangu na makolo, pe ba komi liboso na bango na esika bazalaki ko kende.34Tangu Yesu a kitaki na bwato, a moni ebele ya batu pe a yokeli bango mawa, po bazalaki lokola bameme oyo ba zangi mobateli. A bandi ko teya bango makambu mingi.35Lokola temps epusanaki déjà makasi, ba disciples na ye ba pusani pe ba lobi: "Esika oyo eza mosika, pe tangu e keyi.36Zongisa bango, pona ba kende na bamboka pe bilanga ya pembeni ko misombela bilei."37Yesu a zongiseli bango: "Bino moko bo pesa bango bilei." Ba lobi: "To kende ko somba mapa ya ba deniers deux cents pona ko pesa bango bilei?"38A tuni bango: "Boza na mapa boni? Bo kende ko tala." Ba tali pe ba zongisi: "Mapa cinq pe mbisi mibale."39Alors a yebisi bango ba vandisa batu nionso na ba groupes na matiti ya vert.40Ba vandi na milongo ya batu cent pe ya batu cinquante.41Yesu a zui mapa cinq na mbisi mibale, a tali likolo pe a pesi Nzambe matondi. A kati mapa, a pesi yango na ba disciples pona ba kabolela batu. A kaboli pe mbisi mibale na batu nionso.42Bango nionso ba lie pe ba tondi.43Ba lokoti bitunga douze oyo e tondi na biteni ya mapa pe mbisi oyo e tikalaki.44Mibali oyo ba liaki mapa bazalaki cinq mille.45Mbala moko, Yesu a yebisi ba disciples na ye ba mata na bwato pe ba katisa liboso na ye na ngambo ya Bethsaïda, pendant que ye azo zongisa batu.46Après ko zongisa bango, a keyi na ngomba pona ko sambela.47Tangu pokwa e komi, bwato ezalaki na kati-kati ya ebale, pe Yesu azalaki ye moko na mabele.48A moni bango bazo bunda pona ko ramer, po mopepe ezalaki ko zongisa bango sima. Na quatrième eteni ya butu, pene ya tongo, a ye epai na bango, azo tambola likolo ya mayi. A lingaki ko leka bango.49Tangu ba moni ye azo tambola likolo ya mayi, ba kanisi ete aza elima, pe ba gangi.50Po bango nionso ba monaki ye pe ba bangaki. Mbala moko, Yesu a lobi na bango: "Kimia! Eza ngai. Bo banga te!"51A mati na bwato epai na bango, pe mopepe e sili. Ba kamwe makasi penza.52Po ba sosolaki miracle ya mapa te; mitema na bango ezalaki makasi.53Après ko katisa ebale, ba komi na mboka ya Génésareth pe ba kangi bwato na libongo.54Tangu ba kitaki na bwato, batu ba reconnaître Yesu mbala moko.55Ba poti mbangu na région mobimba. Ba bandi ko mema babeli na bambeto na esika nionso oyo ba yokaki ete aza.56Na esika nionso oyo azalaki ko koma, na ba mboka, na ba villes to na bilanga, bazalaki ko tia babeli na bisika ya batu nionso. Ba bondelaki ye ete a pesa bango nzela ya ko simba ata songe ya elamba na ye. Pe batu nionso oyo ba simbaki yango ba bikaki.‹ Précédent
Bible ya Lingala Facile